Dumenica Branca

 


 

 

 

 

 

 

 

 

 

 

 

 

Autres articles :

 

 

Son actualité :

 

 

Issa storia s'hè passata monda tempu fà

Steti à senta bè, a v'aghj'à racuntà.

Da a muntagna, surtia un cantonu

À l'annuttata, si sintia com'un sonu,

Inghjò, in u vangonu, c'era un picuraghju ;

Fritu, ùn facia, eramu di maghju.

A sera, falaia in a vadina, mà quali ?

Una spera chì facia tremà ancu i riscali.

Ghjunghjindu accant'u stabbiu, sintia bilà,

A paura l'avia, mà ci vol'a manghjà.

Vattaia, comu un veru cacciadori

Stringhjia i denti, di petra era u so cori.

D'un colpu u vidi rida,

Quiddu chì li daghjia sfida,

Era u ghjacaru di u pastori

Davanti a tamantu animali

Ùn sapia micca s'idd'era a so ora

Curaghjosu hè, mà ci vol'a stà lu.

Un ultimu sguardu si scambiò

È subbitu, a lotta cuminciò

L'abbaghji erani tarribuli

Rifletta era impussibuli ;

A bestia inviò calchi sgrinfiati

Cani à pecuri tutti scaniddati.

Tantu trostu scitò l'omu,

Rittu ùn era più domu

Hà capitu subbitu l'affari

Era l'ursu appressu à a carri.

Fucili è cartucci presi,

Hà vistu issi corpi stesi,

Tranquillu, l'animali manghjaia

U picuraghju era tiradori, mà trimaia.

À capiu è à tempu sparò,

Mà senza un frisciu, l'ursu scappò.

Dopu essa si missu appressu,

U celi ùn paria più u stessu.

A bestia è l'omu in a muntagna,

Comu si battini dui ragna.

Un mumentu dopu, si pudià senta

In a notti sta volta troppu lenta,

Retta, lotra è colpa

Hè a morti chì spolpa.

U soli spuntaia à mez'à u nivulu,

U fiumu falaia russu mà tranquillu.

Vicinu, di l'ursu ùn si n'hè mai più intesu parlà In a piana, un antru pastori era in traccia d'addittà.

Vi lacu induvinà, u nomu di issu locu,

L'ursaghjola, sicura, mà senz'essa un ghjocu.

Régie Publicitaire

    Vous avez aimé nos articles ? Faites un don pour nous encourager à continuer !

© 2016 par "ISULAVIVA" (c)