Jean Dal Colletto

 


 

 

Voir la bio en entier

Suivre ce contributeur

 

 

 

 

 

 

 

 

 

 

Autres articles :

- Les confréries de Corse et l'archiconfrérie de St Joseph de Bastia

- Hommage à Jean Grazi

 

 

Son actualité :

 

 

RINASCE LU VERANU

Di cardelline alegre u mio chjaràsgiu canta

Di i so fiori sbucciati u so prufume incanta

Di e so perle di guazza a frasca lucigheghja

A l'arietta di l'alba a fronda trimuleghja

                            In l'ortu chì si svèglia,  rinasce lu  veranu

 

In lu chjassu virdognu ballichja la capretta

Un merlu si scannella appress'à a so merletta

A mez'à u lamaghjone si prepara lu nidu

Ind'è l'ària si sente chì l'inguernu hè finitu

                                   In l'ortu chi si svèglia, ci rinasce la vita

 

In la casùccia aperta si spegne lu caminu

In l'ochji di e zitelle s'accende issu lumignu

Chì face spimpillà u ràgiu di lu sole

E mette à li zitelli u core à lu purtone

                                  In l'ortu chi si svèglia,  ci rinasce l'amore

 

Ghjuvanni  Dal  Colletto   Marzu di u 2015

FICAGHJOLA

L’amicu ANNARELLA u primu l’hà cantata

Fendu cunnosce à tutti a famosa  falata

Di lu nostru carrughju hè la bella figliola

Eccu di San Ghjiseppu a nostra Ficaghjola

 

Custì si sò spannate e nostre zitelline

Essendu pè piscà à ‘sse chjare matine

O ricòglie acqua fresca in qualchi buttigliola

Eccu di San Ghjiseppu a nostra Ficaghjola

 

Mamma cù li no panni à spessu ci falava

Cù quellu battulellu à l’Ochju i ci lavava

Cantendu riculava in capu a so paghjola

Eccu di San Ghjiseppu a nostra Ficaghjola

 

Da i giòvani d’avà à li nostr’antenati

A mez’à li so scòglii quant’amori sò nati

Ghjè custì chì nascì a mea a famigliola

Eccu di San Ghjiseppu a nostra Ficaghjola

 

Ancu s’è oghje ghjornu ci vene lu stradone

Chì sò belli spariti Paradisu è Scuglione

L’amore hè sempre qui pè la nostra piaghjola

Eccu di San Ghjiseppu a nostra Ficaghjola

 

E dipoi tant’anni à l’ottu di settembre

Purtata da noi altri Ella s’affaca sempre

Pè la nostra Madonna a fede hè campaghjola

Eccu di San Ghjiseppu a nostra Ficaghjola                         

 

Ghj. DAL COLLETTO,  8 di ferraghju di u 2016

Régie Publicitaire

    Vous avez aimé nos articles ? Faites un don pour nous encourager à continuer !

© 2016 par "ISULAVIVA" (c)